[ندعوك للتسجيل في المنتدى أو التعريف بنفسك لمعاينة هذه الصورة]
احتفلت مدينة مراكش جنوب المغرب، بافتتاح الدورة
الـ 11 لمهرجان الدولي للفيلم امبارح الجمعة، بتواجد النجم السينمائي
الهندي "شاروخان" ضيف شرف المهرجان ، واللي غطي علي تواجد النجم احمد السقا
وخالد صالح ومعاهم عدد كبير من نجوم السينما العربية والاوربية والمغربية
.. وطبعا شاروخان لقي استقبال ضخم من الجمهور المغربي في ساحة الفنا وكانوا
شايلين صوره في الشوراع ومستنيناه واتواصل معاهم بشكل مباشر .. ده غير
الرقصة اللي عملها علي المسرح مع الممثلة المغربية هدي الريحاني وهو بيستلم
التكريم بتاعه" النجمة الذهبية" وجاملها شاروخ خان وقال عنها انها واحدة
من اجمل الممثلات في العالم واكد كل الناس اللي موجودة انه اهم فقرة حصلت
في افتتاح الدورة الـ 11 .
وبعدها شاف الجمهور مجموعة من اللقطات من أدوار البطولة السينمائية اللي
قدمها في مشواره الفني واللي وصلت لـ 70 فيلم ده غير انه اتعرض فيلمه "اسمي
خان" اللي بيلعب فيه دور البطولة، في عرض جماهيري جوه ساحة جامع الفنا،
عشان تكون فرصة لانه يقابل بشكل مباشر وعفوي محبيه وجمهوره، خصوصا من أهالي
مراكش والمدن التانية.
وكان نجم سينما "بوليود" قال في كلمته الافتتاحية في اليوم الأول من
المهرجان الدولي للفيلم بمراكش انه "سعيد لوجوده في المغرب، واللي بيزروه
لأول مرة في حياته، عشان يحضر المهرجان اللي قارنه بمهرجانات عالمية شهيرة،
وقال أنه سمع كتير عن عشق المغاربة للسينما الهندية، وأن ليها شعبية
كبيرة، لدرجة أن ناس كتيرة اتعلموا اللغة الهندية من خلال أفلامها الجذابة
المصدر
[ندعوك للتسجيل في المنتدى أو التعريف بنفسك لمعاينة هذا الرابط]