واحد الدجاجة كانت تعشق في واحد الديك ...... بقات تنتف في ريشها بالوحدة و تقول : يحبني .. ما يحبنيش .. يحبني .. ما يحبنيش .. آخر ريشة طاحت ( ما يحبنيش ) قالت : الله ينعل بو الحب الـلّي عرّانـي |
واحد في الصباح يعمل طبيب و في الليل يصلّح التلفزيونات ... واحد النهار جابوله تلفاز قعد معاه قاع الليل يخدمه و مارقدش.. في الصباح مشى للسبيطار يخدم ، جاته مرأة ولدها مريض.. قالتله : ولدي صدره راه يخرخش قالها : خربتو فيه ؟ ... قالت له : لا قالها : من عندهم ! |
واحد يتكلم و يكراكي ( توتاو) تلاقى واحد عمى قاله وصلني شويا .. لوكان تشوفني داخل في حاجة قولّي... تمشّاو شويا قربو لحفرة ، "التوتاو" قال للعمى: حـ ... حـ .... حـ... كي طاح العمى في الحفرة ، "التوتاو" قاله : حفرة زادو تمشاو شويا ، شاف حفرة اخرى ، قاله : حـ ... حـ .... حـ... كي طاح العمى في الحفرة ، "التوتاو" قاله : حفرة العمى فطن ، قال أنا كي نسمع حـ ... حـ .... حـ... انّــقّــز زادو تمشاو شويا ...... "التوتاو" قاله : حـ ... حـ .... حـ... العمى نقّــز "التوتاو" قال : حيط |
اثنان محششين ذهبوا لشباك التذاكر للدخول للسينما .. فوجدو شخصا سمين جدا .. فقال الأول للثاني : كيف دخل هذا الرجل لهذا الكشك ؟؟ فرد الثاني : لابد أنه ولِد داخله |
واحد يموت على الزكـــارة ...... راح للسينيما لقاها فارغة .. فيها غبر واحد برك .. قعد موراه و قالو : خويـا .. بعّد راسك شوية الله يسترك ! |
أرجــــو أن تنـــال النكت اعجابكم
و السلام هليكم و رحمة الله تعالى و بركاته