بعرض عليكم أفكار كثيره وطرق متعدده لتزيين السويت وكل وحده لها حرية الاختيار والتنسيق بذوقها الخاص
العناصر الرئيسيه اللي يعتمد عليها تزيين السويت او غرفة العروسين :
الالوان
الاضاءه
الورد
الاكسسوارات
العطور
وبنتكلم عن كل نقطه بالتفصيل.
الالوان:
الالوان الشائعه اللي تستخدمها العروس للتزيين
الابيض
الاوف وايت(السكري) بتدرجاته الى البيج والذهبي
الاحمر وتدرجاته.. الماروني والعنابي
والفضي والذهبي اللي ممكن ندخلهم على لون التزيين الاساسي مثلا فضي وابيض او ذهبي واحمر
فالبدايه يجب على العروس اختيار لون معين او تدرجات لون مثلا (الاحمر والماروني والعنابي)
وتتبع كل شي حسب هاللون من اختيار لون المفرش ولون الورد والخ..
الاضاءة:
لها تأثير كبير يغفل عنه الكثيرين
اضاءه الغرفه لازم تكون هاديه وخافته تعتمد بالدرجه الاولى على الاباجورات والشموع
بحيث تتوزع الاباجورات في السويت في اماكن مختلفه ومتباعده شوي(الاباجورات بتكون موجوده فالسويت من الاساس).

الشموع1:
لها تأثير رومنسي وتضفي جو حالم وشاعري على المكان وانا شخصيا احب اخلط بين تدرجات لون معين في الشموع وماشتري لون واحد
نوزع الشموع في اماكن مختلفه ويفضل تكون من احجام مختلفه لكن توزع بطريقه فنيه حلوه
ممكن نوزعها عند الحمامات

الكوميدينو والتسريحه والطاولات وانسب شي للطاولات الشموع الطافيه.
الورد:
بلمسه بسيطه من الورد نقدر نخلق جو ثااااااني فالمكان
ناخذ ورد طبيعي وننثر اوراق الورد على الكوميدينو قدام الشموع
وممكن على السرير على شكل قلب
او ننثره بشكل خفيف على ارضية الغرفه
وماننسى نوزعه على الطاولات الموجوده
ولو حبت العروس توزع باقات ورد في المكان بشكل منسق وجميل او ممكن تستعين ب فازات
(مزهريات) وتوزعها في السويت وتحط داخل كل فازا كذا ورده بيعطون شكل حلو للمكان.
ملاحظه: الورد ماينفع تحطيه تحت غطاء او على السرير بكبره يعني الباقه لانها تكون ملينا مويه وممكن تعدم لك السرير او الغطاء وبحكم فقدانها للمياه رح تذبل ويسير شكلها سيء بدال مايزين.
الاكسسوارات:
الفازات:
سبق وتكلمنا عنها.
الثرو:
يعطي شكل جميل جدا وراقي ويوحي بالفخامه تلقونهم في محلات الاثاث
والاكسسوارات مثل لايف ستايل هوم سنتر ودبنهامز
ناخذ الثرو ونحطه بشكل عشوائي شوي على طرف السرير او الصوفا او الطاوله .
ونلقى الثرو بخامات متعدده ومختلفه ولو مالقيتوا بكل بساطه ناخذ قطعة اورجانزا شيفون او مخمل او القماش اللي تشوفينه مرتب ونرميه على طرف السرير مثلا (وممكن نخلي الخياط يخيط اطرافه)
ولو هذا كله ماتوفر ممكن نشتري كميه من قماش التور مثلا 6 امتار ونقطعه مثلا متر لكل كوميدينو
ونعفسه بطريقه حلوه كأن فيه تعرجات ونحط فوقه الشموع وبعدين ننثر اوراق الورد.
المخدات..الكوشنز..الخداديات:

وجودها مو ضروري بس مش غلط ممكن نوزعها بشكل مرتب على الصوفا مع الثرو.
اللماع او الترتر اوالكريستالات:
تلقونهم في محلات الخياطه واللماع موجود في المكتبات ناخذه ونرش منه على اوراق الورد او الشموع بشكل خفيف جدا
وممكن ننثر منه شوي على التور او نوزع الكريستالات بشكل خفيف بتعطي لمعه حلوه.
الستاره:
[ندعوك للتسجيل في المنتدى أو التعريف بنفسك لمعاينة هذه الصورة]
واقصد فيها اللي تتعلق على السرير وتكون نازله بشكل (طبعا مو شرط بس مجرد اقتراح).
المفرش:
في عرايس يحبون ياخذون طقمهم الخاص ويحطونه في الفندق وهالنقطه برايي تغني عن التزيين الزايد لان المفرش بروحه بيعطي فخامه للغرفه وبعض العرايس يستغنون عنه ويكتفون بمفرش الفندق
واللي مو حابه تاخذ مفرشها الخاص افضل انها تركز على تزيين السرير بس بشكل ناعم وانيق عشان يعطي شكل حلو ويغني عن المفرش الخاص.

العطور:
من اهم واشهر العطور لغرفة العروسين (الخلـــــــه)
عباره عن مشموم وماي ورد اضافه الى عطور عربيه اخرى تخلط وتوضع في سله ونتركها فالغرفه تقريبا يوم
ونسكر الباب عليها ونشغل المكيف عشان الريحه الحلوه تنتشر والخله معروفه عندنا الحريم الكبار يسوونها.
بالاضافه للخله معطر الفراش شي اساسي ومهم لازم لازم العروس تعطر الفراش والغرفه كامله بنوع
من عطور الفراش والبخور او العود وطبعا بيكون من النوع الفاخر وايضا ممكن نمسح على المفرش
والمخدات بشكل خفيف من دهن العود او المسك(فكره اختياريه).
وفي انواع خاصه للعرايس اغلبها يسوونها الحريم وعندنا الانواع العاديه اللي تنباع في المحلات
مثل ليلة خميس من اجمل واكوا كوثر و اكوا زينة الفراش من الرصاصي ورهيف ودانتيل من الشايع
هذي بعض الانواع اللي انا جربتها وعجبتني وحبيت اذكرها لكم على سبيل المثال لا الحصر.
تزيين الحمام بشكل بسيط وناعم:

وزعي شموع على اطراف البانيو وانثري اوراق الورد.
وطبعا عطري طقم الفوط بدهن العود وبخريهم بالبخور وخليهم على جنب في سله.
انا افضل العطر الفرنسي نوعا ما
وبكده نكون شملنا كل شي وطبعا كل عروس تختار اللي يناسبها واهم شي تراعي ان التزيين مايكون معدوم ولا مفرط عشان شكل الغرفه مايطلع اوفر ودفش وهالافكار كلها موجوده على
سبيل المثال مو شرط تتقيدون فيها ولا لازم تتنفذ كلها
------------------------------------------------------

من وجهت نظري (او حسب تقاليدنا) هالشي يمكن صعب انك تسويه انتي كعروس في الفندق بس ممكن تسويه في غرفتك اكثر .
لا يقل أهمية عن أثاث الغرفة به يتحول
السرير إلى قطعة جميلة تنم عن ذوق راقي لصاحبة
الغرفة , وتتنوع المفاش بأشكال ناعمة وراقية تظهر
السرير في حلة رائعة تناسب العروسين ..
ستارة الغرفة

ليس شء كمالي بحت وإنما ضرورة من
ضروريات غرفة النوم لمزيد من الستر والخصوصية ( الله
يستر علينا وعليكم ) ولأنها ضرورة مهمة يجب أن
نعتني في اختيار القماش والتصميم المناسب لها
والذي يتناسب كذلك مع أثاث الغرفة ولون الحائط
والأرضية لكي نحقق تناغم وانسجام تام بين كل
ديكورات الغرفة ......... وكلما اتسمت الستارة
بالبساطة والذوق كلما اعطتك منظر أروع لها بعيداً عن
التكلف والزركشة الزائدة ..
- نتكلم الآن عن الأكسسوارات التي يمكن للعروس أن
تجهز بها غرفة النوم ..
طبعاً
اللوحات الجدارية
تعطي لمسة جمالية رائحة
للغرفة لا سيما إذا كانت على الجدار الخلفي للسرير ..
يمكن للعروس أن تزين كمدينو أو تسريحة غرفتها ببعض
الأكسسوارات الناااااااااعمة التي تبرز من جمال الغرفة
وتعطيها جواً خاصاً كباقة من الزهور أو شموع عطرية أو
سلة من القش بها العطور ولكريمات أو سلة تضع بها
العروس مشابك الشعر ..
أو صندوق تضع به بعض المجوهرات وقطع العود والبخور
كذلك ساعة طاولة مميزه ..
-آخر قطعة أثاث في غرفة النوم هي
الأنارة

التي تتجلى
في صورة أبجورة مميزة تنتقيها العروس بعناية لتبرز
جمال الكمدينو وكل ما كانت ناعمة أعطت أجواءً
رومانسية رائعة ..